Kaisa dil aur uske kya gham jee

Urdu Best Poetry | Urdu Poetry | Amazing Quotes

Kaisa dil aur uske kya gham jee,

Yu�n hee baatain banaatey hain, hum jee,

Kya bhalaa aasteen aur daaman,

Kab se palkein bhi ab nahi nam jee,

Ussey ab koi baat kya kerna,

Khud se bhi baat kije kam-kam jee,

Dil jo dil kya tha, ek mehfil tha,

Ab hai darham jee aur barham jee,

Baat be-tour ho gayi shayad,

Zakhm bhi ab nahi hai, marham jee,

Haar duniya se maan le shayad,

Dil, hamaare mein ab nahi, dam jee,

Hai yeh hasrat ke zibah ho jaun,

Hai shikan is shikam ki zaalam jee,

Kaise aakhir na rang khele�n hum,

Dil lahoo ho raha hai, jaanam jee,

Hai kharaaba yeh husniya apna,

Roz majlis hai aur maatam jee,

Waqt dam bhar ka khel hai usme,

Besh az besh hai, kam az kam jee,

Hai azal se abad talak ka hisaab,

Aur bus ek pal hai peham jee,

Be-shikan ho gayi hai woh zulfein,

Is gali mein nahi rahe kham jee,

Dasht-e-dil ka ghazaal hee na raha,

Ab bhalaa kis se kijiye ram jee�

Urdu best poetry, urdu poetry, sad poetry in urdu 2 lines, urdu poetry sad, urdu poetry love, deep urdu poetry, Two lines shayari, Sad poetry, romantic poetry, gazal, best poetry, romantic urdu poetry, urdu poetry sms, urdu best poetry 2 lines, urdu best poetry ghalib, urdu best poetry ghazal, urdu best poetry images collection.